Les mots surlignés font l'objet d'une note
1Monsieur, mayant le sieur de Beaufort quest un gentilhomme du Daulphiné
2auquel je porte singulière affection, faict entendre que le cappitaine
3Beaufort son frère, est detenu prisonier et scaichant la bonne
4volanté quil vous a tousjours pleu de vostre grace me monstrer, ma
5requis comme joze en consideration que dessus, vous supplier bien
6humblement voulloir impartir à ma requeste votre faveur et
7authorité au proffict dudit prisonier à ce que le jugement dicelluy
8ne soict precipité ou accelleré par les importunités de
9ses parties adverses, ains quil aist temps et loizir pour preparer
10et avoir les moyens concernens la justice de sa cause, vous
11asseurant, monsieur, que je me ressantiray de la faveur
12que luy ferés comme faict à moy memes ; et là où jeauray
13moyen vous fère en revenche quelque bien humble et
14agreable service et vous plaict me fère ceste honneur que
15de me commander, me trouverés tousjours disposé à
16recepvoir vous commandemens dausi bon cuer que je prie Dieu
17vous donner
18Monsieur en perffaict santé, longue et heureuse vie. De Paris, ce
19XXVme de juilhet
20Vostre très humble parant et affectionné serviteur
21Allemaigne